Shkencëtarët nga Teksasi kanë bërë kërkime nëse gratë tradhtojnë nën ndikimin e hormoneve, ose për shkak se ato janë të pakënaqura dhe kanë arritur në konkluzionin e mëposhtëm.
Në studim u përfshinë 52 femra studente në mes të 17 dhe 30 vjecare, që nuk kanë përdorur kontraceptivë. Shkencëtarët kanë studiuar marrëdhënien në mes të motivimit seksual dhe estradiolit – hormoni që sekretohet nga vezoret dhe që është i lidhur me aftësinë riprodhuese apo i ashtuquajturi “hormon i seksit”.
Shkencëtarët matën nivelet e këtij hormoni në organizmin e vajzave në javën e ovulacionit dhe kërkuan prej tyre që të vlerësojnë tërheqjen e tyre fizike, tendencat e tyre për mashtrim dhe tradhti të partnerit të përhershëm. Vëzhguesit e pavarur vlerësuan po ashtu tërheqjen fizike të njëjtave femra.
U vërtetua se niveli i estradiolit te femrat është i lidhur ngushtë me mendimin personal për veten se janë shumë tërheqëse.
Femrat me nivele të larta të hormoneve treguan një gatishmëri të madhe për të flirtuar, lidhje seksuale. Por nga ana tjetër niveli i estradiolit është i lidhur negativisht me kënaqësinë seksuale, të cilën ja jep një gruaje një partner i përhershëm.
Shkaku i tradhtisë, megjithatë, duhet të kërkohet te kënaqësia që e ofron, ose nuk e ofron, partneri i përhershëm. Mekanizmat psikologjikë ende luajnë një rol të rëndësishëm në motivimin seksual dhe sjelljen e femrave.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
