Partia Demokratike ka propozuar një amendament në ligjin për dekriminalizimin, ku parashikon që zyrtarët që janë kapur në flagrancë duke kryer vepër penale, të mos jenë pjesë e institucioneve, pavarësisht nëse ndaj tyre nuk ka një vendim përfundimtar të gjykatës.
Pas mbledhjes së grupit të PD-së, kryetari i këtij grupi Edi Paloka tha se opozita do të mbajë qëndrim nëse kërkesat e saj nuk futen në rend dite, në seancën e së enjtes.
“Ligji për dekriminalizimin ju ndalon praktikisht zyrtarëve që janë kapur në flagrancë duke kryer krime, ju ndalon të kryejnë funksionet e tyre publike deri në përfundim të vendimit të gjykatës. Të gjithë e dimë që një deputet i mazhorancës u shfaq në Parlament me bekimin e Ramës. Për t’i vënë fre që akte të tilla të tilla të mos ndodhin më, ne kemi paraqitur këtë amendament”, deklaroi Paloka.
I pyetur nëse opozita do të bllokojë Kuvendin, në rast se kërkesat e saj nuk merren parasysh, Paloka tha: “ Do ketë bllokim seance dhe reagime në përshtatshmëri me vendimet që do marrë maxhoranca. Do ishte absurde nëse nuk do t’i fusin në kalendar. Kërkesa jone nuk është thjesht futja në kalendar e këtyre çështjeve, por zbatimin e këtyre çështjeve”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
