Foto Ilustruese
Një ngjarje e pazakontë ka ndodhur ditën e djeshme në Rrogozhinë.
Një punëtor ndërtimi i cili kryente punime në ambientet e brendshme të Komisariatit të Policisë së Rrogozhinës ka gjetur një armë zjarri pistoletë në kasetën e WC-së.
Arma ishte fshehur brenda saj dhe nuk dihet prej sa kohësh qëndronte aty. Punëtori i identifikuar me inicialet M. B., 25 vjeç e ka marrë pistoletën dhe është larguar nga vendngjarja. Ai është shpallur në kërkim nga policia menjëherë pas largimit nga Komisariati, së bashku me armën e zjarrit.
Ngjarja hedh një sërë dyshimesh për pistoletën.
Ende nuk dihet nëse pistoleta është armë shërbimi e ndonjë polici, apo armë krimi e fshehur aty, apo armë e fshehur e ndonjë të arrestuari, që mund të jetë futur në komisariat pa kontroll fizik.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
