Milicia aleate e ushtrisë së Sudanit të Jugut është lejuar që të përdhunojë femra në këmbim të pagave, sipas një raporti të OKB.
Në raport thuhet se më shumë se 1300 femra janë përdhunuar vitin e shkuar në shtetin e pasur me naftë.
Qeveria e këtij vendi i ka mohuar akuzat.
Por hetuesit e OKB thonë se trupat paraushtarake, që luftojnë kundër rebelëve të qeverisë, janë lejuar të bëjnë çfarë të duan, pasi shteti nuk i paguante dot.
Ata kanë përdhunuar dhe rrëmbyer gra e vajza si formë pagese.
Një grua tha se kishte parë se si 10 ushtarë ia përdhunonin vajzën e saj 15-vjeçare pasi i kishin vrarë të shoqin.
Komisioneri i Lartë i OKB për të Drejtat e Njeriut, Zeid Ra’ad Al Hussein tha se shkalla e këtyre krimeve është një prej abuzimeve më të tmerrshme në botë.
Por për çfarë luftohet në Sudanin e Jugut?
Në shtetin më të ri në botë, presidenti Salva Kiir pushoi zëvendësin e tij, Riek Machar pasi po përgatiste një grusht shteti.
Dy vjet pas pavarësisë vendi u zhyt në kaos pasi Machar formoi një ushtri rebelësh për të rrëzuar qeverinë.
Vendi është i pasur me naftë, por një nga vendet më të varfra në planet.
Vetëm 15 përqind e popullsisë ka një celular.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
