Kryetari i PD-së Lulzim Basha fillon një vizitë zyrtare për në Shtetet e Bashkuara të Amerikës.
Mësohet se vizita do të jetë pesëditore dhe se, Basha shoqërohet nga tre deputetë të grupit të tij parlamentar Eduard Selami, Jorida Tabaku dhe Gent Strazimiri, si dhe nga këshilltari i tij i ri për Politikën e Jashtme, Mal Berisha.
Burime nga selia e PD-së bëjnë të ditur se gjatë kësaj vizite, janë planifikuar takime me zyrtarë të lartë të Departamentit Amerikan të Shtetit dhe kongresmenë amerikanë.
Gjithashtu, takime kreu i PD-së ka planifikuar të zhvillojë edhe me grupin e miqësisë SHBA-Shqipëri. Takimi do të jetë në kuadër të 25-vjetorit të rivendosjes së marrëdhënieve mes dy vendeve.
Pjesë e axhendës së Bashës është edhe takime me komunitetin dhe studentë shqiptarë në SHBA.
Në fund ta takimit, Basha pritet të zhvillojë edhe një intervistë në “Zërin e Amerikës” në lidhje me zhvillimet politike në vend.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
