Shqipëria është vendi më pak i lumtur i Evropës së bashku me Bullgarinë. Është ky vlerësimi që vjen nga një raport i Organizatës së Kombeve të Bashkuara i cili e ka pozicionuar Shqipërinë në vendin e 109-të, në listën e vendeve më të lumtura të botës. Vendi ynë në Evropë lë pas vetëm Bullgarinë që është e 128-ta në renditje.
Në bazë të raportit më të fundit të publikuar nga Organizata e Kombeve të Bashkuara, që i referohet periudhës kohore nga viti 2013 deri në 2015 Shqipëria ka humbur 14 vende në krahasim me materialin e vitit të shkuar, që merrte nën shqyrtim vitet 2012-2014 dhe mbante pozitën e 95-të.
Nga ana tjetër, Kosova është vendosur në vendin e 77-të, duke shënuar gjithashtu rënie në krahasim me vitet para-ardhëse.
Në renditjen rajonale, vendi më i lumtur është Rumania, që ndiqet nga Kroacia dhe Kosova që plotëson treshen e parë. Pas tyre, me radhë vijnë Serbia, Bosnje-Hercegovina, Mali i Zi, Maqedonia, Greqia dhe e parafundit është Shqipëria.
Organizata e Kombeve të Bashkuar ka cilësuar Danimarkën si shtetin më të lumtur të botës, që është ndjekur nga Zvicra, e cila e mbante këtë vend një vit më parë. Treshja më e lumtur e globit plotësohet nga Islanda.
Zyrtarët e kësaj organizate kanë komunikuar se prosperiteti dhe zhvillimi i ekonomisë nuk është përbëjnë kriteret bazë në përcaktimin e renditjes. Ata kanë marrë si shembull, Shtetet e Bashkuara, të cilat pavarësisht zhvillimit, kanë një shoqëri e cila është shumë e orientuar drejt parasë.
Në matje janë shqyrtuar disa aspekte përfshirë mbështetjen sociale, pritshmëritë për një jetë të shëndetshme, liria për të marrë vendime mbi jetën, bujaria, perceptimi i korrupsionit etj. Tre vendet që qëndrojnë në fund të renditjes janë Togo, Siria dhe Burundi, ndikuar nga lufta dhe pasiguria për jetën.
Renditja e vendeve të Rajonit
Rumania (5.528)
Kroacia (5.488)
Kosova (5.401)
Serbia (5.177)
Bosnje Hercegovina (5.163)
Mali i zi (5.161)
Maqedonia (5.12)
Greqia (5.033)
Shqipëria (4.655)
Bullgaria (4.217)
“Ora News”
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
