Një ditë para Kongresit, Rama mbledh deputetët në darkë pune

Kryetari i Partisë Socialiste Edi Rama ka ftuar deputetët e selisë Rozë në një darkë pune. Ftesa vjen vetëm një ditë para zhvillimit të Kongresit ku do të miratohen ndryshimet e statutit të kësaj partie. Burimet kanë bërë të ditur se në darkën e punës, e cila do të mbahet në orën 18 në hotel “Tirana” do të marrin pjesë dhe të ftuarit e huaj të PS-së. Mes tyre pritet të jetë dhe Pittella i cili një ditë më parë i doli në krah Ramës për sa i përket votimit të kryetarit socialist.
Pavarësisht se është një ftesë në nder të të ftuarve sigurisht që përplasja me Blushin mbi votimin e kreut socialist dhe shkeljes së statutit do të jenë temë e diskutimeve. Megjithatë mbetet për tu parë nëse grupi i deputetëve që mbështeti Blushin do të jenë në këtë pritje të Ramës.