Bulizmi ndikon në të gjitha aspektet e jetës dhe lë pasoja të pashlyeshme në personalitet. Prandaj është një ndër problemet më të rënda për të cilat organizatat po bëjnë fushata kudo nëpër botë.
Një nga studimet e fundit në Shqipëri tregon se një në pesë fëmijë është pre e bulizmit, dhe më të prekurit janë djemtë. Arsyet janë nga më të ndryshmet, mbipesha, fakti që mbajnë syze, ose që vijnë nga familje me ekonomi të dobët. Pavarsisht se mosha kalon, rritesh, pasojat mbeten. Si fillim do ta kesh shumë të veshtirë të zësh miq. Fakti që gjatë shumë viteve njerëzit të kanë tallu, të lë një shijë frike dhe mosbesimi për të krijuar miqësi të reja. Mësohesh me idenë që je më mirë vetëm.
Familjarët më tepër mbeten spektatorë të ngjarjeve të tilla pasi vetvetiu për të mos u dukur si “djalë mamaje” përpara shokëve që tallen me ty parapëlqen t’i mbash ata larg. Me kohën ftohesh prej tyre dhe krijon një lloj pavarësie emocionale nga familja.
Kur rritesh me ndjesinë e paaftësisë, të shenjon ideja e të qenit i pavlerë.
Çelësi i një marrëdhënieje dashurore është të duash fillimisht veten, por për fat të keq, bulizmi shkatërron pikërisht këtë. Kështu do ta kesh shumë të vështirë të mbash një marrëdhënië dashurie.
Edhe suksesi kërkon, siç dihet, shumë besim tek aftësitë e tua. Për më tepër, për ta pasur një karrierë të suksesshme është shumë e rëndësishme të krijosh marrëdhënie me kolegët, drejtuesit dhe klientët. Zakonisht, viktimat e bulizmit izolohen dhe parapëlqejnë pozicione pune që nuk kanë shumë kontakt me të tjerët.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
