Një tabelë e publikuar prej ish-kryeministrit Sali Berisha, tregon fondet e pabarabarta që qeveria ka shpërndarë ndaj qarqeve, ku bie në sy diskriminimi i qarqeve Shkodër e Lezhë, me disa shifra simbolike, ndërsa Kukësi e Dibra nuk kanë përfituar asnjë lekë.
Denoncimi i plotë i Sali Berishës në “Facebook”
Ja si antishqiptari Edvin Kristaq Rama ndëshkon me urrejtje Veriun edhe Veri-Lindjen e Shqipërisë
Të dashur miq, kjo është shpërndarja ndëshkuese, përçarëse e antikombëtare e të ardhurave, e njeriut, që njëlloj si Enveri urren Veriun në të gjithë qenien e tij, e Edvin Kristaq Ramës. Shikoni diskriminimin ekstrem, shumat qesharake që antishqiptari Edi Rama ka dhënë për Shkodrën dhe Lezhën, të cilat të marra se bashku kanë banore më shume se çdo qark tjetër i Shqipërisë përveç Tiranës.
Grafiku nuk paraqet rrethet e tjera të Veriut pasi atyre nuk ju është dhënë asnjë qindarkë. Ju bëj thirrje qytetarëve të Veriut të ngrihen në protestat më të fuqishme për të rrezuar sa më parë qeverinë e urrejtjes dhe diskriminimit kombëtar të Edvin Kristaq Ramës!
