Zbulohen detajet e operacionit “Porosia” të policisë së Shkodrës, si rezultat i të cilit u prangosën 3 persna, si dhe u sekuestruan 6 mina me telekomandë dhe një arsenal armësh.
Sipas burimeve zyrtare të drejtorisë Vendore të Policisë së Shkodrës, mësohet se sot, ora 13:30, në kuadër të procedimit penal të vitit 2016, Sektori për Hetimin e Trafiqeve dhe Narkotikëve të Drejtorisë Vendore të Policisë Shkodër, në bashkëpunim me Prokurorinë e Rrethit Gjyqësor Shkodër, finalizuan operacionin e koduar “Porosia”, në drejtim të dokumentimit ligjor të veprave penale “Prodhimi dhe mbajtja pa leje e armëve luftarake dhe municioneve”, e parashikuar nga neni 278/1/2/3/4/ dhe “Trafikimit të armëve dhe municioneve” 278 /a, të Kodit Penal, ku bënë të mundur kapjen dhe arrestimin në flagrancë të shtetasve me iniciale, Flamur Bega, Hilmi Isufaj dhe Shkëlzen Metaliaj.
Në bashkëpunim me Prokurorinë po thellohen hetimet e këtij aktiviteti për dokumentim të lidhjeve të tjera kriminale.
Në cilësinë e provës materiale u sekuestruan
• 6 Mina me telekomandë në distancë me celular.
• Një pistoletë model 57 e kalibrit 7.62 mm
• Një revolver model Zastava-Magnum 357
• Një Pushkë me mjete – optik (Snajper) “Projekt-CB007” i kalibrit 7.62 mm
• 23 copë fishekë
• Dy telefona “Samsung”
• Dy automjete.
Për më shumë mund të lexoni edhe …
FOTO/ Shkodër, policia sekuestron 6 mina me telekomandë dhe një arsenal armësh
/web/FOTO_Shkoder_policia_sekuestron_6_mina_me_telekomande_dhe_nje_arsenal_armesh_16273_1.php
