Policia e Tiranës ka reaguar zyrtarisht për protestën e sotme të opozitës. Sipas policisë, mësohet se janë arrestuar 13 persona.
“Sot me datë 28. 03. 2016, ora 11.00, subjekti politik Partia Demokratike zhvilloi një protestë pa leje, te Parku i Liqenit Artificial Tiranë, me qëllim prishjen e rrethimit dhe të objektit në ndërtim “Kënd lojërash për fëmijë” që po ndërtohet nga Bashkia Tiranë.
Strukturat e policisë së Drejtorisë Vendore Tiranë, kanë marrë dijeni për këtë protestë pa leje dhe morën masa për sigurimin e rendit e të qetësisë.
Pjesëmarrësit në këtë protestë u grumbulluan përpara hyrjes së kantierit në ndërtim, dhe rreth orës 11.30, një grup deputetësh të Partisë Demokratike dhe konkretisht:
Edi Paloka, Flamur Noka, Genc Pollo, Albana Vokshi, Arben Ristani, Asllan Dogjani, Keltis Kruja, Gerd Bogdani, Gent Strazimiri, shoqëruar nga protestues të tjerë, me veprime të dhunshme, tentuan dhe çanë me forcë kordonin e Policisë Bashkiake dhe të Policisë së Shtetit të vendosur në mbështetje të Policisë Bashkiake, duke hyrë brenda rrethimit të kantierit në ndërtim të “Këndit të Lojërave për Fëmijë”.
Pjesa tjetër e protestuesve që ishin jashtë këtij rrethimi, vazhduan me veprime të dhunshme ndaj kordonit të policisë Bashkiake dhe të Policisë së Shtetit, duke kërkuar të bashkoheshin me pjesën e protestuesve dhe deputeteve që ndodheshin brenda rrethimit.
Nga dhuna e ushtruar nga protestuesit në këtë proteste pa leje, u dëmtuan dhe u dërguan për mjekim ne Spitalin Ushtarak 3 punonjëse të policisë Bashkiake, të cilat aktualisht vazhdojnë të marrin trajtim mjekësore:
1. L. S.
2. S. A.
3. D. K.
Në lidhje me veprimet e dhunshme ndaj personave që ushtruan forcë dhe dhunë fizike, ndaj punonjësve te policisë bashkiake dhe të policisë Shtetit, nga specialistët e hetimit krimeve Komisariatit Nr. 1 janë arrestuar ne flagrance 13 shtetas:
1. Grigels Muçollari
2. Indrit Hoxha
3. Erjon Dizdari
4. Franci Doka
5. Gerald Metko
6. Silvio Sheme
7. Jurgen Kupi
8. Soven Sheme
9. Arlind Kajo
10. Klejdi Kalaja
11. Ndriçim Babasi
12. Behar Hasa
13. Tonin Kolthi
Personat janë arrestuar ne flagrance për veprat penale ‘Organizimi dhe në grumbullime e manifestime të paligjshme’, ‘Shkatërrimi i pronës’, ‘Kundërshtim i punonjësit që kryen një detyrë shtetërore ose një shërbim publik’ dhe ‘Prishja e qetësisë publike’, parashikuar nga nenet 262, 150, 235 dhe 274 të Kodit Penal”, thuhet zyrtarisht nga policia.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
