Mediat ndërkombëtare raportojnë se një avion egjiptian i marrë peng është ulur në aeroportin e Larnakës në Qipro. Agjencitë e lajmeve citojnë burime policore dhe burime nga agjencia e udhëtimit të cilat thonë se avioni do të udhëtonte nga Aleksandria në Kajro por është marrë peng nga të paktën një person i armatosur. Është konfirmuar se piloti është kërcënuar nga një pasagjer me një brez me eksploziv. Pengmarrësi ka kërkuar që të bëhet ulja në aeroportin e Qipros.
Kulla e kontrollit ne Larnaka mori lajmin se një avion kërkonte lejen të ulej rreth orës 7,30 me orën lokale, ndërkohë që avioni u ul në 7,50, sqaron policia qipriote.
Ndërkohë mësohet se në bordin e avionit A320 ndodhen 80 pasagjerë. Mësohet gjithashtu se pengmarrësi ka lejuar që nga bordi të zbresin të gjithë pasagjerët duke mbajtur peng vetëm ekuipazhin dhe pesë persona të tjerë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
