Armët e ftohta të bllokuara
Policia e Korçës ka arrestuar në flagrancë dy persona për veprën penale “Prodhimi dhe mbajtja pa leje e armëve të ftohta”.
Sipas njoftimit zyrtar, mësohet se nga specialistët e Seksionit për Krimet, në Korçë, u bë kapja dhe arrestimi në flagrancë i Mariglen Selimi, 27 vjeç dhe Erion Meçollari, 31 vjeç, të dy banues në Korçë.
Arrestimi i tyre u bë pasi, dje, në lagjen nr. 8, në Korçë, Erion Meçollari, u kap në flagrancë nga Shërbimet e Policisë, duke i shitur Mariglen Selimit 1 dorezë (përforcuese) grushti.
Gjatë kontrollit trupor të ushtruar Erion Meçollarit iu gjet e iu bllokua edhe 1 thikë e 1 dorezë (përforcuese) grushti.
Me cilësinë e provës materiale, këtyre personave iu sekuestruan thika dhe dy përforcueset, të cilat ata i zotëronin pa lejen e organeve përkatëse.
Materialet i kaluan Prokurorisë të Rrethit Gjyqësor Korçë, për veprën penale: “Prodhimi dhe mbajtja pa leje e armëve të ftohta” parashikuar nga neni 279 i Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
