Dy persona hyjnë në shtëpinë e një të moshuare për të nënshkruar kontratën e re të gazit, por qëllimi i vërtetë ishte për ta grabitur.
Rasti është regjistruar sot në mesditë në Savona të Italisë, kur shqiptari Altin Verushi, 45-vjeç dhe Angelo Maurici, 27-vjeç, banues në Genova, kanë tentuar të grabisin të moshuarën.
Megjithëse, 88 vjeçe, e moshuara i ka telefonuar vajzës së saj duke i thënë se po nënshkruante një kontratë të re për gazin.
Vajza është alarmuar dhe ka lajmëruar policinë, e cila me të mbërritur në vendin e ngjarjes arrestoi dy personat.
Forcat e rendit e gjetën të moshuarën duke u bërë kafe grabitësve, teksa njëri prej tyre ishte vënë në lëvizje duke kryer kontrolle të imtësishme për sendet me vlerë, ndërsa tjetri po fliste me të moshuarën.
Sipas faqes on-line “Savonanews”, policia zhvilloi kontrolle edhe në automjetin e tyre Audi A4, i cili u sekuestrua. Ata akuzohen për tentativë vjedhje në rrethana rënduese. Nesër pritet të dalin përpara gjykatës për t’u njohur me masën e sigurisë.
E moshuara gostit me kafe grabitësit mashtrues, arrestohet shqiptari dhe italiani
