LETRAT E PANAMASË/ Zgjerohet lista e të përfshirëve në skandal, ja emrat me llogari të fshehta financiare

Zgjerohet lista e të implikuarve në skandalin financiar “Letrat e Panamasë” (“Panama Papers” ). Ndërsa mësohet se janë plot 11 milionë dokumente të marra nga informatorë brenda firmës sekrete “Mossack Fonseca” me bazë në Panama, në këtë dosje përfshihen edhe emrat të njerëzve të  pushtetshëm dhe të famshëm, si presidenti rus Vladimir Putin, apo futbollisti i “Topit të Artë”, Leo Messi, dhe aktori  Jackie Chan. Britania ka kryeministrin e saj David Cameron, ndërsa Franca kampionin e saj Mishel Platini (siç është shpallur nga Le Monde).
Shuma e parave të Presidentit rus, Putin është 200 milionë dollarë. Është depozituar në banka brenda një kohe të shkurtër dhe burimi? Sigurisht, jo nga paga si President.
Në listë është edhe familja e udhëheqësit kinez Xi Jinping dhe sigurisht presidentit të korruptuar të Azerbajxhanit, Ilham Aliev, Presidenti i Ukrainës Petro Poroshenko, mbreti saudit Salman bin Abdulaziz Al Saud, presidenti i Argjentinës, Mauricio Macri, kryeministri i Islandës, si dhe ai i Pakistanit Nawaz Sharif.
Të gjithë këta emra i përmbledh lista e llogarive të fshehura financiare. Janë të paktën 800 persona nga 200 vende të ndryshime, përfshirë politikanë, artistë të famshëm, sipërmarrës, etj.
Informacionet paraprake flasin për rreth 200 mijë kompani dhe fondacione të ndryshime nga mbarë bota që kanë gjetur “strehë” në Panama.
Çfarë është dosja “Panama Papers”?
Dosja në fjalë është rreth 1 500 herë më e madhe se dosjet e zbuluara nga Wikileaks, i tha një burim gazetës L’Espresso.
Cili është misioni ligjor i firmës Fonseca?
Të ndihmojë klientët e saj për të shmangur taksat në vendet e tyre, dhe sigurisht për të pastruar paratë që vijnë nga afera të dyshimta.
Miliarda euro janë fshehur në këtë vend, i cilësuar si “parajsë fiskale”, siç ndodh edhe në disa vende të tjera.
Dosjet sekrete i janë dërguar fillimisht gazetës gjermane “Süddeutsche Zeitung” e më pas asaj spanjolle “L”Espresso”, francezes “Le Monde” si dhe Konsorciumit Ndërkombëtar të Gazetarëve Investigativë (ICIJ).
Kompania thotë se ka përmbushur detyrimet ndërkombëtare për të siguruar se kompanitë nuk kryejnë evazion fiskal, nuk pastrojnë para, nuk financojnë terrorizmin dhe qëllime të tjera të jashtëligjshme.
“Mossack Fonseca” pretendon se i kryen sipas rregullave shërbimet e saj, duke shtuar gjithashtu se në 40 vite nuk është akuzuar asnjëherë në operacionet që ka kryer.

Për më shumë mund të lexoni edhe …

LETRAT E PANAMASË/ Skandal botëror me evazionin fiskal, të përfshirë krerë shtetesh, zyrtarë e sportistë të mëdhenj
/web/LETRATEPANAMAS_Skandal_boteror_me_evazionin_fiskal_te_perfshire_krere_shtetesh_zyrtare_e_sportiste_te_medhenj_16694_1.php

Si edhe …

LETRAT E PANAMASË/ Edhe Mishel Platini i përfshirë në skandal
/web/LETRATEPANAMAS_Edhe_Mishel_Platini_i_perfshire_ne_skandal_16695_1.php

/DRONI.al/