Foto Ilustruese
Policia e Tiranës ka arrestuar një 54-vjeçar me akuzën e mashtrimit kompjuterik, pasi “rreth orës 13:30, në një qendër tregtare në Tiranë, u kap duke përdorur pranë ATM-ës së një banke të nivelit të dytë, karta bankare të dyshuara si të klonuara”.
Të arrestuarit Kujtim Saqe në cilësinë e provës materiale iu sekuestruan 37 karta bankare të dyshuara si të klonuara dhe karta të tjera me shirit manjetik.
Materialet proçeduriale ju kaluan prokurorisë pranë Gjykatës së Shkallës së Parë Tiranë, për veprën penale “Mashtrimit Kompjuterik” parashikuar nga Neni 143/b/2 i Kodit Penal.
Policia sqaron se Kujtim Saqe, 54 vjeç, banues në Tiranë, ka qenë i dënuar më parë për Veprën Penale të “Prodhim dhe mbajtja pa leje e armëve luftarake dhe municionit”.
