Në Londër kanë nisur të shpalosen billborde me flamurin shqiptar mbi Buckingham Palace. Ndërkohë, mbështetësit e qëndrimit të Britanisë në BE shkruajnë, “Ata që mbështesin fushatën e daljes nga tregu i përbashkët duan që të jemi si Shqipëria. Seriozisht”.
Kjo formë proteste, në formë tallje, erdhi pas deklaratës së Sekretarit britanik të Drejtësisë, sipas të cilit Britania mund të marrë modelin e Shqipërisë për sa i përket tregtisë nëse del nga BE.
Emri i Shqipërisë është bërë kështu objekt talljeje nga britanikët, të cilët e kanë gjetur të pavend deklaratën e Sekretarit të Drejtësisë, Michael Gove.
“Daily Mail” e quajti qesharake idenë e tij dhe dërgoi një gazetar në Shqipëri për t’u treguar britanikëve se si gjysma e shqiptarëve jetojnë në varfëri, nën nivelin botëror të saj, me më pak se 5 dollarë ne ditë.
FOTO LAJM/ Protestë në Londër, “Nuk duam të jemi si Shqipëria”
