Tiranë, prangosen tre për trafik droge, i katërti shkon vetë “si cjapi të kasapi”

Foto Ilustruese

Skuadra “Shqiponjat” në bashkëpunim me Seksionin për narkotikët, kanë arrestuar në flagrancë katër persona për veprën penale “prodhim dhe shitje e narkotikëve në bashkëpunim”.
Sipas policisë, gjatë kontrollit të ushtruar në automjetin tip BMW me targa Kosovare, të drejtuar nga Agron Mulolli ,me të cilin udhëtonte së bashku me shtetasen Jeta Blakqori-Murturi, është gjetur një qese, brenda së cilës kishte pluhur ngjyrë të bardhë të dyshuar lëndë narkotike e llojt “kokainë”.
Ndërsa, Erdi Alazit, gjatë kontrollit fizik të ushtruar, i është gjetur një qese, brenda të cilës kishte bimë të dyshuar narkotike e llojit “cannabis sattiva”.
Më pas është  afruar mjeti tip “Smart” me drejtues Pano Ilia, të cilit gjatë kontrollit fizik dhe kontrollit të mjetit i janë konstatuar disa qese farmaceutike të mbushura me bimë të dyshuar narkotike e llojit “cannabis sattiva”.
Gjithashtu këtyre shtetasve i janë gjetur disa qese farmaceutike të tejdukshme boshe.
Materialet proceduriale iu kaluan Prokurorisë pranë Gjykatës Shkallës së Parë Tiranë, për veprën penale “Prodhim dhe Shitje e narkotikëve në bashkëpunim”, parashikuar nga Neni 283/2 i Kodit Penal.

Të arrestuarit

1. Agron Mulolli, 37 vjeç, banues në Prishtinë, Kosovë.
2. Jeta Blakqori-Murturi, 33 vjeçe, banues në Prishtinë, Kosovë.
3. Erdi Alazi, 19 vjeç, banues në Tiranë.
4. Pano Ilia, 20 vjeç, banues në Tiranë.

Sekuestruar në cilësinë e provës materiale

– 25.8 gram, lëndë e dyshuar narkotike e llojit “Kokainë”
– 195.8 gram, lëndë e dyshuar narkotike e llojit “Cannabis Sattiva”
– 2 automjete

/DRONI.al/