Presidenti i Republikës, Bujar Nishani përshëndeti prokurorinë e vendit për goditjen ndaj bandës së Emiliano Shullazit. Në një intervistë nga Brukseli për Erisa Zykën, Kreu i Shtetit inkurajon organet ligj-zbatuese të bëjnë të njëjtën punë edhe për grupet e tjera kriminale.
Për kreun e shteti një fenomen shqetësues mbetet korrupsioni dhe përfitimi i kundërligjshëm i fondeve publike.
Nishani shprehu bindjen se mazhoranca dhe opozita do ta gjejnë konsensusin për të miratuar Reformën në Drejtësi sipas këshillave të Komisionit të Venecias.
Nishani flet edhe për takimet me Presidentin e Këshillit Europian, Donald Tusk, atë të Parlamentit Europian, Martin Shulz dhe sekretarin e përgjithshëm të NATO-s, Jens Stoltenberg. Sipas Nishanit, ata vlerësuan kontributin, vlerat dhe rolin kyç të Shqipërisë në rajonin e Ballkanit, si dhe reformat e integrimit në vend.
Presidenti Nishani është inkurajuar nga autoritetet më të larta të Bashkimit Europian për realizimin e reformës në drejtësi si çelësi kryesor për hapjen e negociatave për anëtarësimin.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
