Ndërsa afti i fundit i dorëzimit të formularit të vetëdeklarimit është data 4 maj, ende deputetë, ministra dhe kryetarë bashkishë, nuk e kanë plotësuar e dorëzuar, duke rrezikuar humbjen e mandatit.
Sipas zëdhënëses së KQZ-së Drilona Hoxhaj, mësohet se pranë këtij institucioni, deri sot, kanë dorëzuar formularin e vetëdeklarimit:
* 100 deputetë nga 140
* 11 ministra nga 20
* 34 kryetarë bashkie nga 61
* 1234 këshilltarë bashkiakë nga 1595
* Gjithsej, aktualisht nga 1836 funksionarë, kanë dorëzuar formularët e vetëdeklarimit pranë KQZ-së, 1379 ose 75.1 % e tyre.
“Komisioni Qendror i Zgjedhjeve, në vlerësim të faktit se afati përfundimtar për dorëzimin e formularëve të vetëdeklarimit, është data 4 Maj 2016 dhe numri i subjekteve që ende nuk e kanë dorëzuar, është i konsiderueshëm, kërkon mirëkuptimin e tyre për ta dorëzuar sa më parë formularin. Për t’ju ardhur në ndihmuar funksionarët të cilët nuk e kanë dorëzuar akoma formularin e vetëdeklarimit, pavarësisht se dita e Hënë është ditë pushimi, KQZ do të jetë hapur edhe ditën e hënë, datë 2 maj 2016. Të gjithë ato subjekte që ende nuk e kanë dorëzuar formularin, mund ta dorëzojnë edhe ditën e Hënë, në datën 2, pasi KQZ do të jetë hapu”, deklaroi Hoxhaj.
Për më shumë mund të lexoni edhe …
ALARM NE QEVERI/Dekriminalizimi, shtohen sportelet për zyrtarët e administratës civile, punohet jashte orarit
/web/ALARM_NE_QEVERI_Dekriminalizimi_shtohen_sportelet_per_zyrtaret_e_administrates_civile_punohet_jashte_orarit_18102_1.php
