Xhihadistët e dënuar sonte janë irrituar me vendimin. Pas shpalljes së tij, ata kanë përmendur terma në gjuhën e Kuranit dhe brenda sallës së gjyqit i janë drejtuar trupit gjykues me fjalët kërcënuese se, “Shumë shpejt ju keni për ta marrë dënimin”.
Ndërkohë, mbështetësit e të dënuarve kanë kërcënuar jashtë gjykatës edhe gazetarët dhe kameramanët që të mos filmonin. Është dashur ndërhyrja e forcave të Shqiponjës që të normalizojnë situatën.
Avokati i grupit të imamëve në një prononcim për gazetarët tha se “ky vendim duhet të acarojë gjithë Republikën e Shqipërisë, është kundër besimit, asaj që ndiejnë besimtarët. Ankimin do e bëjmë ditën, jo siç u dha vendimi natën… Vendimi jashtë orarit zyrtar, është shkelje e hapur… Ka qenë totalisht një diskriminim nga fillimi deri në fund, vendimin e prisnim nuk është se nuk e prisnim… Gjykata e dhe vendimin për 50 minuta”.
Gjykata ka dhënë sonte vendimin e saj për dënimin me 126 vjet burg për 9 të akuzuarit, të ashtuquajtur grupi i xhihadistëve.
Për më shumë mund të lexoni edhe …
VENDIMI/ XHIHADISTËT, GJYKATA VENDOS 126 VJET BURG PËR 9 IMAMËT E AKUZUAR
/web/VENDIMI_XHIHADIST_T_GJYKATA_VENDOS_126_VJET_BURG_P_R_9_IMAM_TEAKUZUAR_18331_1.php
