Koço Kokëdhima ka zgjedhur rrjetin social “Facebook”, për të reaguar për vendimin e sotëm të Gjykatës Kushtetuese, që i hoqi atij mandatin e deputetit.
Sipas Kokëdhimës, procesi ndaj tij ishte tërësish politik dhe se “Rruga ime në politikë nuk mbaron këtu. Ajo është vetëm në fillimet e saj”, shprehet midis të tjerave Koço Kokëdhima.
Mesazhi i plotë i Koço Kokëdhimës në “Facebook”
Për miqtë dhe mbështetësit
Sot Gjykata Kushtetuese vendosi pranimin e kërkesës së PD për konstatimin e papajtueshmërisë së mandatit tim të Deputetit. Nuk do të bëj asnjë koment rreth vlerësimeve tona për integritetin e Gjykatës, profesionalizmin apo për influencimin e saj në këtë proces tërësisht politik, qysh në nisjen e tij 2 vjet më parë. Do te presim vendimin e arsyetuar, për të kuptuar më mirë dhe plotësisht natyrën e këtij gjykimi. Në këto orë, kam marrë qindra mesazhe nga të gjitha anët e Shqipërisë, por veçanërisht nga socialistët e bazës dhe mbështetësit e Partisë Socialiste, nga miqtë dhe të njohurit e mi. I falënderoj nga zemra për solidaritetin e treguar. Me apo pa mandat Deputeti, unë do të punoj pa u reshtur për Ju dhe për një Shqipëri më të mire. Gjithë jetën time kam punuar me pasion për një jetë më të mirë jo vetëm për familjen time. Rruga ime në politikë nuk mbaron këtu. Ajo është vetëm në fillimet e saj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
