DEKLARATA/ Policia e Shtetit 13 fjali për veten, asnjë shfajësuese për Ermal Muçën

Ermal Muça

Policia e Shtetit ka tentuar të përgënjeshtrojë sot PD, e cila akuzoi me zë e figurë, nëpërmjet 
kreut të departamentit të Rendit dhe Sigurisë, Enkelejd Alibeaj, Emral Mucën një zyrtar të lartë të efektivëve blu të Tiranës. Në këtë tentativë të saj, Policia e Shtetit, pa zë e pa figurë, por vetëm nëpërmjet një njoftimi të shpërndarë me e-mail, nuk guxoi të merrte në mbrojtje oficerin e akuzuar të policisë, as të mohonte deklarimet e PD, por në 13 fjalitë e tij (njoftimit) fliste për “arritjet” e saj…
Në fakt, fjalia e fundit bën dallimin, kur fton PD të adresojë akuzat e saj pranë SHÇBA-së, a thua se nuk mjafton ky denoncim që ko strukturë të fillojë të bëjë punën e saj…

Njoftimi i plotë i Policisë së Shtetit

Ndalni menjëherë sulmet politike ndaj Policisë së Shtetit.
Ndalni menjëherë përbaltjen ndaj Policisë së Shtetit
Pas shumë deklaratave të pavërteta, shpifjeve dhe akuzave politike ndaj Policisë së Shtetit, pas përbaltjeve të përditshme ndaj punonjësve të Policisë së Shtetit, bëjmë me dije opinionin publik se këtë situatë e konsiderojmë tërësisht të tepërt, të padrejtë dhe presion politik ndaj burrave dhe grave, të rinjve e të rejave në Policinë e Shtetit.
Policia e Shtetit ka arritur rezultate të konsiderueshme në përballje me krimin.
Këto rezultate janë falë punës dhe sakrificës së punonjësve të Policisë përballë krimit.
Policia sot lufton me krimin, me korrupsionin, me paligjshmërinë e çdo natyre, duke sakrifikuar për shkak të mungesës së infrastrukturës, buxhetit të duhur dhe kushteve për të hetuar siç duhet.
Policia e Shtetit përpiqet t’i shërbejë qytetarëve, besimi i të cilëve na jep më shumë forcë për t’u përballur me krimin.
Vështirësitë janë të panumërta, nga kriminelët e rrugës tek ata që deri dje e quanin veten të paprekshëm. Por çdo sulm politik, çdo përbaltje e shpifje, është një goditje më shumë për Policinë e Shtetit e një mbështetje më shumë për ata që shkelin ligjin.
Përveç sakrificave të punës së përditshme, përbaltja konstante, sulmet politike, janë tërësisht të papranueshme e të pamerituara, për çdo punonjës policie që sakrifikon përballë krimit.
Përmendja e emrave të punonjësve të policisë, thjesht e vetëm për akuza politike, është veprim i papranueshëm për shtetin e të drejtës dhe luftën kundër krimit.
Sulmet ndaj policisë janë përkrahja më e mirë ndaj krimit. Ndaj ndalni menjëherë sulmin politik ndaj policisë. Ndalni menjëherë përbaltjen politike të përditshme ndaj Policisë.
Çdo subjekt politik që pretendon se ka fakte kompromentuese ndaj punonjësve të veçantë të policisë, është i ftuar t’i depozitojë pranë SHÇBA, Prokurorisë dhe organeve të tjera ligj-zbatuese.
Në të kundërt, ndalni sulmin e përbaltjen politike ndaj Policisë.

Për më shumë mund të lexoni edhe …

“Tahiri foli me Shullazin me telefonin e Ermal Muçës”
/web/_Tahiri_foli_me_Shullazin_me_telefonin_e_Ermal_Muces_18691_1.php

/DRONI.al/