Klement Balili 46-vjeçari që akuzohet si kreu i një grupi kriminal që merret me trafik ndërkombëtar të lëndë narkotike prej 2 vitesh është Drejtor i Drejtorisë së Transporteve në qytetin e Sarandës. Mediat greke pohojnë se sasia prej 700 kilogram cannabis sativa që u sekuestrua pak ditë më parë në vendin helen i përket një biznesmeni të suksesshëm shqiptar në Sarandë, një biznesmen i njohur në këtë qytet, teksa së fundmi është edhe pronar i kompleksit turistik “Santa Quaranta” (ish-kampi i punëtorëve).
Ky kompleks është ndër më luksozët dhe më modernët në bregdetin e Sarandës. Në inaugurimin e tij në gusht të vitit që shkoi ishin edhe deputetët e zonës, Kokëdhima e Ahmetaj. Por mbi të gjitha binte në sy prezenca e atij që njihet si miku i pronareve, Ilir Metës.
“Besoj se përmes këtij investimi Saranda duket edhe më e bukur, por është edhe një mundësi më e mirë për të qenë më e prekshme për të gjithë pushuesit dhe turistët”, u shpreh kreu i Kuvendit në inaugurimin e këtij hoteli.
Meta e cilësoi këtë ceremoni një ngjarje, e cila duhet të çojë drejt bashkëpunimit, në mënyrë që sektori i turizmit në Shqipëri të marrë edhe më shumë zhvillim.
“Kjo është një ngjarje që na fton për të bashkëpunuar të gjithë në mënyrë që t’i marrim maksimumin turizmit tonë, dhe këtë mund ta realizojmë vetëm përmes investimesh të tilla kaq cilësore e domethënëse, si Santa Quarantas”, u shpreh kryeparlamentari.
Ndërsa ministri i Zhvillimit Ekonomik dhe Sipërmarrjes, Arben Ahmetaj, tha se kapaciteti që ofron resorti turistik është një standard në hotelerinë shqiptare.
“Investimi është një nga më seriozët sot në Shqipëri dhe besoj se është dhe një kthesë për turizmin, për cilësinë për standardet dhe për atë që duhet të bëjmë për vitet që vijnë”, tha Ahmetaj.
FOTO/ Meta, Ahmetaj e Kokëdhima miq të Klement Bailit, çfarë mendojnë ata për biznesin e tij
