DETAJE & FOTO/ Autobusi i djegur, dyshohet se numri i viktimave ka shkuar në dy

Drejtues ët spitalit të Krujës, bëjnë të ditur se mund të jenë dy viktima, nga autobusi i djegur sot në këtë qytet.
Njëri nga viktimat ka vdekur menjëherë në autobus, ndërsa tjetri ka vdekur rrugës për në spital.
Ndërkohë, policia ka saktësuar se rreth orës 11:25, të ditës së sotme, në qendër të qytetit të Krujës,  autobusi me targa AA 584 MP me drejtues shtetasin S. J., banues në Vlorë, me pasagjerë ka marrë flakë.
Pasagjerët janë përfaqësues të një sekti fetar.
Për pasojë, ka ndërruar jetë një pasagjere e seksit femër, si dhe 12 persona janë dëmtuar, të cilët ndodhen nën kujdesin e mjekëve.
Aerobusi ka marrë flakë në ecje e sipër dhe dyshohet se shkaku ka qenë aksidental.
Në vendngjarje ndodhen Efektivat e Policisë dhe Forcat Zjarrfikëse, të cilët vijojnë hetimet.