Pas një sëmundje rëndë është ndarë nga jeta Ndue Shyti, një ndër figurat e njohura të rapsodisë së këngës tradicionale të Shqipërisë së Veriut.
Rapsodi Ndue Shyti ka lindur në një fshat të Pukës në vitin 1934, ndërsa prej disa vitesh familja e tij është zhvendosur në qytetin bregdetar të Durrësit. Artisti i madh prej disa kohësh vuante nga sëmundje e rëndë, ndërsa me humbjen e tij familja humbi njeriun e dashur, dhe kolegët një artist të madh.
Rapsodi në 32 vite që nga viti 1960 dhe deri në vitin 2002 ka dhënë plot 450 koncerte brenda vendit dhe plot të tjerë në 18 shtete,duke e saktësuar në katër kontinente. Çiftelia e tij ka rënë në Francë, Itali, Norvegji, Austri, ish- Jugosllavi, Turqi, Zvicër, Amerikë, në Kinë, etj.
Artisti i Popullit Ndue Shyqi është nderuar nga presidenti i Republikës Bujar Nishani me titullin e lartë “Nderi i Kombit”.
Në koleksionin e tij ka plot 17 çmime, urdhra dhe medalje Kombëtare dhe çmime lokale.
FOTO/ Shuhet në moshën 82-vjeçare rapsodi i njohur Ndue Shyti
