Konservatorët e Partisë së Popullit të kryeministrit Mariano Rajoy kanë fituar më së shumti vende në Parlament.
Pavarësisht fitores, e djathta nuk ka siguruar një shumicë për të qeverisur e vetme.
Partido Popular (PP), kryesuar nga kryeministri Mariano Rajoy, ka fituar 123 vende me 28.72% të votave nga 176 të nevojshme për shumicën. Partia Socialiste (PSOE) është në vendin e dytë, duke marrë 90 vende me 22%.
Dy partitë e reja në zhvillim, Podemos dhe Ciudadanos, fituan vende për të sfiduar dy partitë dominuese në Spanjë për herë të parë pas shumë dekadash. Podemos e udhëhequr nga Pablo Iglesias fitoi 69 vende, ndërsa Ciudadanos e udhëhequr nga Albert Rivera fitoi 40 vende.
Masat e ashpra shtrënguese të qeverisë së djathtë të Rajoy-së kanë ndihmuar kombin të shërohet nga kriza ekonomike. Ekonomia spanjolle pritet të rritet 3.1% këtë vit, rreth dy herë mbi mesataren e eurozonës. Megjithatë papunësia Spanjës, mbahet në 21,1%, e dyta më e lartë në BE pas Greqisë.
Pjesëmarrja në votime ishte 73%, pak më e lartë se sa zgjedhjet e mëparshme në vitin 2011.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
