Kryeministri në dorëheqje i Britanisë së Madhe, David Cameron ka bërë të ditur se nuk ka shanse për mbajtjen e një referendumi të dytë për largimin ose jo nga BE-ja, raportojnë mediat britanike.
Në seancën e parë parlamentare pas largimit të Britanisë, Cameron tha se rezultatet e referendumit duhet të pranohen. Cameron u shpreh se se edhe pse rezultati nuk është ai që donte, nuk ka asnjë dyshim për të.
“Vendimi duhet të pranohet dhe procesi i zbatimit të vendimit duhet të fillojë në mënyrën më të mirë të mundshme”, është shprehur Cameron.
Vendimi për largimin nga BE nuk ishte një qëndrim i imi, tha Camron dhe se marrëdhëniet mes Britanisë dhe BE nuk varen nga unë, por do të përcaktohen nga qeveria e re.
Ai gjithashtu ofron siguri për shtetasit e BE-së që jetojnë në Britani se nuk do të ketë ndryshime të menjëhershme për ta.
Të enjten e kaluar, qytetarët e Britanisë së Madhe, rreth 52 për qind të atyre që votuan, i kanë thënë po largimit të Britanisë së Madhe nga Bashkimi Evropian.
Përkundër kësaj, përveç kundërshtimeve të ndryshme rreth këtij largimi, ishte iniciuar edhe një peticion me të cilin kërkohet që të ketë edhe një referendum të dytë lidhur me këtë çështje.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
