Deputeti i Partisë Demokratike, Saimir Korreshi, ka publikuar një video-denoncim në rrjetet sociale ku denoncon gjendjen e infrastrukturës energjetike në zonën e Çermë Sektorit.
Në një reagim me tone ironike, Korreshi i drejtohet ministrit aktual të Energjitikës dhe Infrastrukturës, Enea Karakaçi si dhe ish-ministres, Belinda Balluku, duke kërkuar ndërhyrje për shtyllat elektrike e shtrembëruara.
“Mirëmëngjes shoku Karakaç, merr dhe shoqen Balluku që t’i drejtoni pak shtyllat këtej në Çermë Sektor, jo për gjë, por do bëhet merak Uropa pse janë lënë gjysëm shtize”, shprehet ai në video.
Sipas Korreshit, situata në terren tregon neglizhencë dhe mungesë investimesh në një zonë që vijon të përballet me probleme bazike infrastrukturore. Ai e cilëson këtë si një tjetër shembull të mungesës së vëmendjes nga institucionet përgjegjëse ndaj komuniteteve rurale.
REAGIMI/ Mirëmëngjes shoku Karakaç, merr dhe shoqen Balluku që ti drejtoni pak shtyllat këtej, jo për gjë, por do bëhet merak Uropa pse janë lenë gjysëm shtize. a.b
