Krimi Ekonomik në bashkëpunim me Prokurorinë e Tiranës kanë zhvilluar një operacion për goditjen e aktivitetit të paligjshëm të call center-ave në kryeqytet.
Sipas burimeve zyrtare, gjatë aksionit janë zbuluar dy ambiente që dyshohet se përdoreshin për mashtrime përmes telefonit dhe platformave online. Një prej tyre ndodhej në zonën e Rrugës së Kavajës, ndërsa tjetri në zonën e Liqenit të Thatë.
Autoritetet kanë ushtruar kontrolle në të dy ambientet, ku janë sekuestruar pajisje elektronike dhe materiale që pritet të ndihmojnë në zbardhjen e plotë të aktivitetit. Dyshohet se këto call center operonin duke mashtruar shtetas të huaj përmes skemave të ndryshme financiare.
