Një ngjarje e rëndë është shënuar në lagjen “Pavarësia”, pranë rrugës “Çipaj” në qytetin e Vlorës, ku një 63-vjeçar ka humbur jetën pas një konflikti.
Viktima është shtetasi Ismail Aliaj, i cili sipas burimeve mjekësore ka marrë goditje në pjesën e fytyrës dhe në grykë. Dëmtimet kanë rezultuar fatale dhe ai nuk ka mundur t’u mbijetojë plagëve të marra.
Nga konflikti ka mbetur i lënduar lehtë edhe djali i viktimës, i cili ndodhet jashtë rrezikut për jetën.
Policia e Vlorës është vënë në ndjekje të personave të dyshuar si autorë të ngjarjes, ndërsa grupi hetimor po punon për zbardhjen e plotë të rrethanave dhe dokumentimin e saj.
