Kreu i PD, Sali Berisha deklaroi sot se qeveria e tij nul do të ndalej kirrë derosa të kalonte vendet e pasura në lidhje me ndihmat dhe pensionet. Berisha e bëri këtë deklaratë në një komunikim në rrjete sociale.
Uesli Arben Shurdho: Çfarë programi konkret do ketë PD për invalidët dhe pensionistët se dihet që Nastradini vetëm mashtron dhe vjedh taksat e shqiptarëve të varfër dhe nuk i teprojnë lekë për këto shtresa?
Sali Berisha: Faleminderit shumë për pyetjen. Janë në gjendje mjerimi qoftë pensionistët, qoftë invalidët. Pensionet e tyre janë cinike, qesharake.
Një pjesë e madhe e tyre detyrohen të mbledhin kanaçe se nuk blejnë dot ilaçet. Të tjerë presin ndihma nga jashtë.
E theksova edhe njëherë, akti i parë nuk do ketë shqiptar nën 200 euro, çka do të thotë shqiptarët jashtë zonës së rrezikut të varfërisë.
Së dyti, nis vrapi i rritjes së pensioneve dhe rrogave të ulëta, pasi nëse do vazhdonte trendi, ato duhet të ishin sot minimumi 3 herë më të larta.
Në vitin 2013, ne arritëm të kemi rrogat më të larta në rajon, përfshi këtu edhe Rumaninë dhe Bullgarinë, dy vende të BE.
Arritëm të kemi pensionet më të larta në rajon, përfshi këtu Rumaninë dhe Bullgarinë.
Ai trend u bllokua dhe sot ne jemi në vendin e fundit për rroga dhe pensione.
E kam theksuar dhe e theksoj se për të gjithë, për ndihmën ekonomike, për invalidët, për pensionistët, për rrogëulëtit, vrapi ynë do ndalet vetëm kur ne të kalojmë mbi kombet e tjera për rroga dhe pensione.
ZYRA E MEDIAS DHE KOMUNIKIMIT, PARTIA DEMOKRATIKE
