Ajola Xoxa, bashkëshortja e kryebashkiakut të Tiranës Erion Veliaj, nuk është paraqitur në seancën gjyqësore të zhvilluar në Gjykata e Posaçme kundër Korrupsionit dhe Krimit të Organizuar (GJKKO).
Në sallën e gjyqit ka qenë i pranishëm avokati i saj, Maks Haxhia, i cili bëri me dije se klientja e tij nuk mund të marrë pjesë në seancë për shkak të gjendjes shëndetësore.
Sipas Haxhias, Xoxa është shtatzënë dhe mjeku i ka ndaluar të paraqitet në gjykatë.
“Klientja është në pamundësi shëndetësore, është shtatzënë. Mjeku ia ka ndaluar të vijë në seancë. I kam kërkuar që të sjellë edhe aktin e mjekut,” deklaroi avokati para trupës gjykuese. a.b
