Kreu i Sali Berisha u ka bërë thirrje qytetarëve shqiptarë që të bashkohen në një protestë mbarëkombëtare më datë 12, duke e cilësuar atë si “kryengritjen e radhës” kundër qeverisë.
Në një deklaratë për mediat, Berisha theksoi se kjo është një betejë për ndërgjegjen qytetare dhe për të ardhmen evropiane të vendit. “U bëj thirrje ndërgjegjes së qytetarëve, kjo është betejë për ndërgjegjen e njeriut. Nuk ka ndodhur kurrë. Asnjë pushtues nuk i ka lejuar vetes të bëjë një ligj të tillë, të shkelë çdo normë,” u shpreh ai.
Berisha akuzoi kryeministrin se po e largon Shqipërinë nga rruga evropiane, duke pretenduar se vendi po orientohet drejt Beogradit dhe jo Brukselit. Ai përmendi edhe presidentin serb Aleksandar Vučić, duke e cilësuar zhvillimin e fundit si “një thirrje për atdhetarinë e çdo shqiptari”.
Sipas tij, Shqipëria është shndërruar në një vend të rrezikshëm për të ardhmen e kombit për shkak të mënyrës se si po ushtrohet pushteti. “Nuk ka komb në botë që do duronte një njeri si ky, kurrë,” deklaroi Berisha, duke shtuar se qytetarët duhet t’i përgjigjen me forcë dhe vendosmëri.
Ai ftoi shqiptarët në të katër anët e vendit të bashkohen në protestën e 12-ës, të cilën e konsideron si reagimin e duhur ndaj, sipas tij, “vjedhjeve” dhe “tradhtisë së lartë kombëtare” ndaj idealeve evropiane dhe aspiratës për integrimin e Shqipërisë në Bashkimi Evropian. a.b
