Të gjithë personat që udhëtojnë drejt Mbretëria e Bashkuar nuk do ta kenë më vizën të vendosur fizikisht në pasaportë. Duke nisur nga sot, 25 shkurt 2026, sistemi i vizave kalon zyrtarisht në format elektronik.
Lajmi është bërë i ditur nga Ambasada Britanike në Tiranë përmes një postimi në rrjetet sociale, ku sqarohet se sistemi i emigracionit në Mbretërinë e Bashkuar po digjitalizohet plotësisht.
Sipas njoftimit, të gjithë shtetasit që kanë nevojë për vizë do të pajisen tashmë vetëm me vizë elektronike (eVisa), e cila zëvendëson përfundimisht vizat fizike të vendosura në pasaportë.
Ambasada u bën thirrje qytetarëve që për më shumë informacion dhe detaje mbi procedurat e reja të konsultojnë faqen zyrtare të qeverisë britanike. m.k
