Prokuroria e Posaçme kundër Korrupsionit dhe Krimit të Organizuar ka kërkuar dënimin me 13 vite burg për biznesmenin Rezart Taçi, i cili po gjykohet në mungesë.
Sipas organit të akuzës, Taçi akuzohet për pastrim parash në kuadër të një grupi të strukturuar kriminal. Prokurorët pretenduan para gjykatës se i pandehuri ka qenë i përfshirë në skema financiare me qëllim fshehjen dhe riciklimin e të ardhurave që dyshohet se rrjedhin nga veprimtari të paligjshme.
Biznesmeni ndodhet në arrati dhe procesi ndaj tij po zhvillohet në mungesë, në përputhje me parashikimet ligjore. m.k



