Momenti i arrestimit
Finalizohet operacioni “Ndalesa”, arrestohet 42-vjeçari me 10 kg kanabis dhe armë zjarri
Policia e Tiranës ka finalizuar operacionin e koduar “Ndalesa”, në kuadër të goditjes së veprimtarive kriminale në fushën e narkotikëve dhe armëmbajtjes pa leje.
Operacioni u zhvillua nga specialistët për Hetimin e Krimeve në Komisariati i Policisë Nr. 4, bazuar në informacione operative për një shtetas që transportonte lëndë narkotike me automjet dhe posedonte sende të kundërligjshme në banesë.
Si rezultat, u arrestua në flagrancë shtetasi Vildon Shimq, 42 vjeç, banues në Tiranë. Ai u ndalua nga shërbimet e Policisë në zonën e Unaza e Madhe, ndërsa qarkullonte me automjet. Gjatë kontrollit, në mjet u gjetën dhe sekuestruan 10 kilogramë lëndë e dyshuar narkotike kanabis, që dyshohet se destinohej për shitje.
Në vijim të veprimeve hetimore, gjatë kontrollit të banesës së 42-vjeçarit, policia gjeti dhe sekuestroi 2 armë zjarri pistoletë, 2 silenciatorë dhe municion luftarak.
Materialet procedurale i janë referuar Prokurorisë për veprime të mëtejshme ligjore.a.b
