Pamje nga aksidenti
Një aksident i rëndë rrugor me pasojë humbjen e jetës është shënuar mëngjesin e kësaj të shtune në rrugën “Janaq Kilica”, në qytetin e Elbasanit.
Sipas të dhënave paraprake, një 26-vjeçar, i cili po drejtonte automjetin në gjendje të dehur, ka humbur kontrollin mbi mjetin dhe është përplasur me një pemë në anë të rrugës. Përplasja ka rezultuar fatale për pasagjerin në automjet, shtetasin Nehat Uruçi, 21 vjeç, i cili ka humbur jetën në vendngjarje.
Drejtuesi i mjetit ka pësuar dëmtime, por ndodhet jashtë rrezikut për jetën dhe është arrestuar nga Policia për veprime të mëtejshme procedurale.
Autoritetet policore po vijojnë hetimet për të zbardhur plotësisht rrethanat dhe shkaqet e aksidentit. a.b
