GJKKO mban seancën paraprake për dosjen “Veliaj”, ndërsa pritet vendimi për kalimin në gjykim.
Në Gjykatën e Posaçme kundër Korrupsionit dhe Krimit të Organizuar u zhvillua sot seanca e radhës paraprake për dosjen penale ndaj kryebashkiakut të Tiranës, Erjon Veliaj. Kryebashkiaku u paraqit personalisht në GJKKO, ndërsa seanca u zhvillua me dyer të mbyllura.
Në sallën e gjyqit ishin të pranishëm dy prokurorët e çështjes, Altin Dumani dhe Ols Dado, të cilët përfaqësojnë SPAK-un në këtë proces. Burime nga seanca bëjnë me dije se deri në këtë fazë ka mbetur ende pa dhënë argumentat mbrojtja e kryebashkiakut Erjon Veliaj, si edhe e bashkëshortes së tij, Ajola Xoxa.
Pas përfundimit të fazës së mbrojtjes, Gjykata e Posaçme pritet të marrë vendimin nëse çështja do të kalojë ose jo për gjykim.a.b
