Policia gjatë aksionit të mbrëmshëm
Një tjetër operacion kundër call center-ave të paligjshëm është zhvilluar në Tiranë, ku Byroja Kombëtare e Hetimit (BKH) ka arrestuar në flagrancë 10 persona, mes të cilëve shtetasit R.Gj, E.Gj, D.Q, E.M, R.P dhe O.K. Po ashtu janë në kërkim drejtuesit Agim, Alfred dhe Arjan Prekaj.
Sipas burimeve zyrtare, arrestimet janë kryer pas një hetimi të ndjekur prej kohësh, ndërsa gjatë operacionit janë bastisur gjithsej 6 ambiente në zona të ndryshme të kryeqytetit. Hetuesit dyshojnë se aktiviteti i paligjshëm i call center-it lëvizte vazhdimisht nga një kullë në tjetrën në Tiranë, me qëllim shmangien e zbulimit nga autoritetet.
Nga verifikimet paraprake rezulton se ambienti ku u gjet duke ushtruar aktivitetin biznesi ishte në pronësi të shoqërisë “C Property”.a.b
