Pamje nga protesta e 8 dhjetorit 2015
Kur aktivistët e partisë së tij e kërkuan në telefon pasi mungonte në takimin e rradhës, kryetari i Partise “Beslidhja Kombetare Demokratike Shqiptare” (BKDSH), Ali Nezaj nuk ndodhej në Shqipëri. Ai kishte ikur në Francë sëbashku me familjen me shpresën për të gjetur një jetë më të sigurtë.
Qysh nga protesta e madhe e opozitës më 8 dhjetor të vitit 2015, Aliu është përndjekur nga policia. Atë ditë Partia Demokratike zhvilloi një protestë të madhe kundër qeverisë dhe në këtë protestë mori pjesë edhe Aliu sëbashku me mbështetësit e tij. BKDSH është në aleancë më PD dhe i përket frontit opozitar. Është ndër partitë më të vjetra në Shqipëri, themeluar që në vitin 1991.
Prej ditës së protestës policia zhvillon kontrolle të shpeshta në shtëpinë e tyre, kontrolle që kulmuan më 29 janar 2016 kur dhjetra policë hynë në shtëpi duke traumatizuar vajzën e tij adoleshente.
Vajza u dërgua në spital per 7 dite dhe ishte keq ne gjendjen e saj psikologjike. Ndërkohë vet Aliu shqetësohej cdo ditë nga përgjimet e numrit të tij personal. Javët e fundit shpërtheu në Shqipëri skandali i përgjimeve të paligjshme nga policia ku dyshohet se një numër i madh zyrtarësh të politikës janë përgjuar pa leje. Prokuroria po e heton rastin.
