5 persona u arrestuan dje mes të cilëve nëndrejtori i burgjeve të Republikës dhe 4 biznesmenë. Sipas hetimeve biznesmenët në bashkëpunim me njëri-tjetrin kishin marrë një tender ushqimesh nga Drejtoria e Përgjithshme e Burgjeve për blerje vezësh dhe bulmeti me vlerë 226 milionë lekë nëpërmjet marrëveshjes mes tyre.
Për këtë tender ata do i paguanin 20 milionë lekë zëvendësdrejtorit Labi, i cili do të krijonte lehtësira në procedurat e tenderit.
Në vijim janë përgjimet të cilat janë publikuar pjesërisht nga organi i akuzës:
Përgjimi i parë para tenderit:
Më datë 25.05.2016 ora 10.22.06, shtetasi Iljaz Labin zëvendësdrejtori i Përgjithshëm i Burgjeve komunikon me shtetasin Shemsi Sinani, një nga biznesmenët e arrestuar.
Iljazi e pyet: “Shemsi, po sa duhet me të taku ty o burre i dheut, 1 vite”.
Shemsiu i përgjigjet se kishte qenë nga Jugu dhe nuk kishte patur mundësi të shkonte ta takonte.
Iljazi i thotë përsëri: “ Robi thotë nuk vijë dhe nuk vijë… Po të kam bërë njëzet mesazhe o burrë..”
Shemsiu i thotë se do shkonte atë ditë.
Iljazi i thotë: “ … Po nuk erdhe sotë, mos ajde fare, nuk të dua fare, po serdhe sotë..
Shemsiu i thotë se do shkonte patjetër.
Përgjimi i dytë pas tenderit:
Më datë 3.6.2016 ora 14.26.05, shtetasi Ylber Kalaja, një nga biznesmenët e arrestuar komunikon me shtetasin Shemsi Sinani, gjithashtu i arrestuar.
Ylberi i thotë Shemsiut:
“Eee, po shko takoje një ccikë atë dyshin atje o burrë, atje se më çmendi me mesazhe. I thashë se i kam thenë Shemes të vijë të takojë, ka një jave, ska ardhur akoma i thashë unë…. I kam then Shemes, me ardhe me të taku..”.
Shemsiu i thotë se kishte vajtur dy here dhe nuk e kishte gjetur.
Ylberi i thotë përseri: “… Po shko mbaroje atë punë tani o burrë i dheut…”.
Shemsiu e pyet: Po 1 apo?.
Ylberi i thotë: “ …Po 2, o burrë tani, se sjemi kalamaje, se s’dihet si merr puna o burre i dheut, te mbajme ekuliber o burre i dheut, po hajde e ulem nje cike ate, le te ulet o burre i dheut, se car do bejme me keto te tjerat a e kupton. A me kupton… Ne kemi mbajte ekuliber gjithe keto kohe, tani ta dhj… ne funde fare, kot. Me kupton?
Shemsiu i thotë: Mire po, spo na ngelet gje , e kupton. Tani po them une sic thoshe ti, tani ti spo thuaj gje…
Ylberi i thotë përsëri : “…b kemi bere vete kete menyre, a e kupton dhe ne sdo ta dhjesim tani ne funde fare, kote, a e kupton”.
Shemsiu bie dakord.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
