Pas më se një viti hetimesh, policia italiane ka arritur të zbulojë grabitjen me pasojë vdekjen e një të moshuarve.
Katër persona kanë përfunduar në pranga, ndërsa një i pestë është ende në kërkim. Vetëm sot, pas shumë hetimesh policia ka mundur të arrestojë dy shqiptarët, Pashk Pjetri 25-vjeç dhe Zef Ndreca, 24-vjeç.
Në pranga u vunë edhe dy italiane, Giuseppe Annacarato, 33-vjeç dhe Cristiano Quaglia, 38-vjeç. Një prej shqiptarëve, është arrestuar në pikën e kalimit kufitar në Bari teksa po përpiqej të hipte në traget për të ardhur në Shqipëri.
E moshuara Mariangela Prandi, 84 vjeçe, humbi jetën pasi u lidh nga grabitësit. E moshuara kishte sapo kishte fituar rreth 4300 euro në një lotari dhe kishte menduar të shtronte një drekë me të njohur të saj.
Më 21 qershor të vitit të shkuara, gruaja mbeti e vdekur në Bra, pjesë e provincës Cueno. Ajo u lidh nga grabitësit, por arrit të zgjidhej dhe teksa përpiqej për t’i ndjekur u rrëzua në shkallë duke përplasur kojkën dhe duke vdekur në çast.
Mediat italiane shkruajnë se grupi i përbërë nga italianë dhe shqiptarë mund të jenë edhe autorë të vjedhjeve të tjera. Nga e moshuara arritën të merrnin një shumë të vogël parash si dhe një telefon celular.
EMRAT/ Itali, sapo kishte fituar lotarinë, e moshuara italiane vdes pas grabitjes nga shqiptarë
