Foto Ilustruese
Një mikrobus me rreth 15 udhëtarë në bordin e tij, ka rënë mëngjesin e sotëm në fshatin Pashalli, pranë Gurores, në Berat. Si pasojë ka vdekur një person dhe mësohet se ka edhe të plagosur.
Sipas policisë Vendore, mësohet se është rrëzuar mikrobusi me targa AA 705 FL, i cili drejtohej nga shtetasi Y. V., banues në Urë Vajgurore. Si pasoj e këtij aksidenti ka gjetur vdekjen shtetësia F. H., 54 vjeçe, banuese në Berat, e cila ndodhej brenda në mikrobus dhe është plagosur lehtë bashkëshorti i saj shtetasi Z. H., 60 vjeç, banues në Berat, i cili po merr ndihmë mjekësore në Spitalin e Beratit.
Menjëherë në vendngjarje kanë shkuar forcat e policisë të cilat po punojnë për shkaqet e këtij aksidenti.
Drejtuesi i automjetit është shoqëruar në ambientet e Komisariatit të Policisë Berat për veprime të mëtejshme.
