Operacioni i zhvilluar ditën e djeshme ku u arrestuan 4 zyrtarë të IMT dhe bashkisë së Tiranës ka qenë frut i bashkëpunimit të BKH me personat që duhej të paguanin tek zyrtarët.
Katër punonjës të IMT kanë konstatuar një tendë brenda oborrit të një banesë në Kombinat, që më pas rezultoi që ishte lokal.
Punonjësit e IMT i kanë kërkuar pronarit të lokalit të heqë tendën. Njëri prej punonjësve është kthyer sërish brenda banesës pas pak minutash dhe i ka kërkuar pronarit 1000€ në këmbim që të mos i hiqte tendën e lokalit në Kombinat.
Pronari i objektit kallëzoi në polici ngjarjen, duke thene se i kanë kërkuar ryshfet për të mos hequr tendën.
Policia e referoi ccështjen në prokurori dhe më pas SPAK autorizoi përgjimin ambiental. Shuma e parave me numër serie u vendos në dispozicion nga ana e policisë, në mënyrë që pronari t’ia jepte punonjësve të IMT.
Paratë u vendosën në dispozicion në një zarf dhe u terhoqen nga njëri prej punonjësve. Tre të tjerët e prisnin në një lokal ngjitur me objektin.
Policia organizoi operacionin, ku brenda në lokal ishin të dyshuarit. Tre prej tyre u ndaluan, ku njëri u vendos në pranga konkretisht Gerald Fuccia, pasi vetëm për të u gjetën prova në momentin që u vëzhguan kamerat dhe u panq përgjimet ambientale.
Ndërsa në kërkim u shpall Klajdi Zhilla. Ky i fundit mori shumën prej 1000€, ku pasi konstatoi prezencën e policisë e fshehu shumën në banakun e lokalit. Policia ushtroi kontrolle dhe pasi vëzhgoi kamerat e sigurisë, gjeti paratë.
Hetimet po ndiqen nga prokurori Sotir Kllapi, teksa GJKKO pritet të caktojë datën për zhvillimin e seancës për masën e sigurisë.
Të dyshuarit akuzohen për veprën penale “korrupsion pasiv”. a.b
