Foto Ilustruese
Identifikohet dhe shpallet në kërkim autori i vjedhjes me dhunë të 6 milionë lekë (të vjetra), arkëtares se Ujësjellësit. Ngjarja ka ndodhur mëngjesin e sotëm në Babrru, Kamëz.
Sipas policisë, autori i dyshuar, i identifikuar si shtetasi me inicialet E (A) Sh 44 vjeç, banues në Durrës, u shpall në kërkim pasi më datën 15. 07. 2016, rreth orës 07.30, në vendin e quajtur rruga “Halit Haxhia “ Babrru Tiranë, nën kërcënimin e thikës, i ka marrë me dhunë nga dora çantën një 54 vjeçare, banuese në Babrru Tiranë, punonjëse e Ujësjellësit, ku brenda çantës dyshohet se kishte rreth 6 milonë lekë (të vjetra).
Nga informacionet e marra në rrugë operative dhe veprimet e para proceduriale u bë e mundur identifikimi i mjetit e targë AA 903 GX, ku dyshohet se ka lëvizur autori.
Nga verifikimet paraprake mjeti dyshohet të jetë marrë me qira nga autori i dyshuar.
Materialet proceduriale do t’i kalojnë Prokurorisë pranë Gjykatës së shkalles parë Tiranë, për veprën penale të “Vjedhjes me dhunë”, e kryer ne bashkëpunim , parashikuar nga neni 139 dhe 25 i Kodit Penal.
