Pamjet pas shpërthimit
Një sasi eksplozivi hodhi në erë gjatë natës një market në Theth duke tronditur fshatin më të vizituar të Shqipërisë.
”Në orët e para të mëngjesit të sotëm, në fshatin “Theth”, në derën e marketit së shtetasve Ç. Berishta dhe A.Berishta, është hedhur një sasi e vogël, lëndë plasëse. Si pasojë janë shkaktuar vetëm dëme materiale.
Menjëherë shërbimet e Policisë kanë shkuar në vendngjarje dhe falë veprimeve të shpejta profesionale kanë bërë të mundur identifikimin, kapjen në Qafë Thore dhe shoqërimin në Komisariat të shtetasit F. P., 39 vjeç.
Në përfundim të veprimeve u bë arrestimi në flagrancë i 39 vjeçarit Frederik Paplekaj, për veprat penale “Shkatërrimi i pronës me eksploziv” dhe “Prishja e qetësisë publike”, njoftoi policia e Shkodrës.
Materialet procedurale i kaluan Prokurorisë, për veprime të mëtejshme. a.b
