Qeveria i lë në dorë Ardi Veliut industrinë e armëve

Qeveria i ka lënë në dorë Ardi Veliu, ish drejtor i Policisë, biznesin e prodhimit të armëve dhe tregtimit të tyre nga Shqipëria në vende të tjera.

Sot është regjistruar kompania aksionere Kayo me administrator Ardi Veliu dhe me një bord prej disa personash.

Shoqëria ka objekt veprimtarie projektimin, prodhimin, riparimin, demilitarizimin, asgjësimin dhe tregtimin, brenda dhe jashtë vendit, të të gjitha llojeve të armëve ose pjesëve të armëve, përfshirë edhe armët ushtarake, të municioneve, të teknologjive dhe pajisjeve ushtarake, uniformat, mjetet, pajisjet dhe sistemet e armatimit e komunikimit si dhe çdo aktivitet të lidhur me këtë veprimtari, në funksion të politikave kombëtare të sigurisë e mbrojtjes dhe rritjes së kapaciteteve ushtarake. Përgjatë zhvillimit të veprimtarisë së saj, Shoqëria ndjek gjithashtu interesa ekonomikë dhe tregtarë, shpjegohet në ekstraktin e kompanisë publikuar në QKB. a.b

/DRONI.al/