Kryeministti Edi Rama ka replikuar sot në lidhje me ‘herën e parë’ të medaljeve olimpike duke e lidhur sërish suksesin e djeshëm dhe të sotëm të dy mundësve të huaj të federuar në Shqipëri me investimet e qeverisë së tij në sport. Për këtë ai sjell edhe rastin e dy kualifikimeve në Evropian të kombëtares në futboll.
Rama që qëndron në vijën e finishit në çdo garë për të marrë suksesin por pa shkrepur ‘një plumb’ në ndeshje, fsheh sërish disa fakte që lidhen me ‘value chain’ në sport.
Të thotë Rama se në cilin segment të ‘zinxhirit të vlerës’ ka dhënë kontributin e tij për kapacitetet konkuruese të dy mundësve rusofonë, federuar para pak kohe në Tiranë. Ata erdhën mundës në Federatë, vlerë e shtuar për sportin tonë dhe pa asnjë kosto të qeverisë shqiptare.
E njëjta llogjikë është edhe për kombëtaren shqiptare e cila në fakt në 2016 do të kishte pasur më shumë rezultat nëse korrupsioni i shtrirë kudo në Shqipëri mos të shfaqej edhe tek seleksionimi i djemve të kombëtares. Edhe futbollistët në 90% të tyre ose kanë lindur diku në Evropë, ose janë rritur në Evropë, ose janë stërvitur në Evropë pasi kanë lënë Shqipërinë, ose ndryshe palestrat e Ramës në shkolla.
Për të gjithë ata që nuk e dinë, palestrat kanë qënë pjesë e shkollave në cdo qytet edhe në kohën e komunizmit. Si me gjithçka tjetër, Rama vetëm i ka lyer duke shërbyer ndërkojë edhe si banak për korrupsionin, shumë lekë, pak punë, por propoganda mbush hendekun.
Pra edhe në rastin e futbollit kontributi i Ramës në ‘zinxhirin e vlerës’ nuk shihet askund.
Ai flet vetëm për atë që duket, medaljen, foton me medalje dhe flamurin shqiptar. Si gjithmonë prezanton dekorin i cili edhe nuk lodh shumë mendjen e shqiptarëve me detaje si këto që përmenda më sipër, duke fshehur pothuajse gjithë të vërtetën e komentuar vetëm çfarë ndodh në vijën e finishit ku ai rrin si skifter. S.Neza
Më poshtë reagimi i plotë i Ramës:
