Reperi i njohur Rigels Rajku, i njohur si Noizy dhe DJ i tij, Baftjar Bajraktari i njohur si DJ Crax janë arrestuar sot nga policia.
Noizy u ndalua në zonën e Kunës në Shëngjin, ndërsa akuzohen për rrahjen në Pejë të një personazhi të Tik Tok, Medi Isenit në një prej klubeve të natës në Pejë.
Policia ka shpallur në kërkim edhe Arkimed Lushaj, i njohur si Stresi.
“Njësia “FAST Albania” në Departamentin e Policisë Kriminale në PSH, është marrë informacion nga FAST Kosova, për 2 shtetas të kërkuar për llogari të Kosovës, që mund të fshiheshin në Shqipëri. Në kuadër të operacionit policor “Fast”, kapi në Lezhë dhe arrestoi 2 shtetasit e shpallur në kërkim nga Policia e Kosovës, konkretisht shtetasin Rigels Rajku nga Durrësi, dhe shtetasin Baftjar Bajraktari nga Prishtina.
Kapja dhe arrestimi i tyre u bënë me qëllim ekstradimin në Kosovë.
Më herët Rigelsi kishte reaguar përmes rrjeteve sociale duke mohuar përfshirjen në sherrin e Pejës.
Dua ta nis këtë reagim me një ndjesë të thellë ndaj atyre që janë shqetësuar nga reagimi im. Kjo ka ardhur si pasojë e indinjatës për një kallëzim të rremë e të padrejtë ndaj meje, pasi kurrë nuk jam pëballur me situata të tilla e për pasojë fatkeqësisht nuk kam reaguar në nivelin që do të doja. Edhe njëherë, ndjese.
Mirëkuptoj edhe median që bën punën e saj dhe i kërkoj ndjesë nësë janë keqkuptuar nga reagimi im i nxituar.
Sa më lart dua të bëj me dije dhe garantoj këdo dhe çdo institucion se kurrësesi nuk jam në arrati apo sfidim ndaj drejtësisë, por po ndjek rrugën ligjore me profesionistë të fushës për të shmangur kurthin e padrejtësisë ndaj meje dhe dhënë zgjidhje çështjes në bashkëpunim me organet e drejtësisë në Kosovë”, thrkdoi Rajku në shpjegim i tij.
